Khere
Te aves baxtalo ko Uppsala! Majbut sar 200.000 manuš bešen khate. O Kher le forosko si les te lel sama katar le čavorra, le škole thaj vi le phure. O Kher le forosko lel sama katar o paj vužo thaj vi o paj melalo; porunčil pe le droma, o gunoj, khosipe le dromengo, arakhipe le Devleska lumijako thaj vi arakhipe katar o jag. Si amen thaj vi biblioteke, thaj das tut šajipe te keres but djela ande slobodni vrjama. Keras vi buči te ažutinas o šeftako sector, e energija thaj vi pala khera. Thaj vi but aver djela. Amenge si but važno ke le manuša kaj bešen ando Uppsala aven dakordo bučasa le Kheresko le foroske.
Khate šaj gines majbut sar džan le djela kaj porunčil o Kher le forosko. Le linkurja putren majbut informacije Gadžikanes. Šaj pučes žutipe Rromanes kana si tut te des duma le Kheresa le foroske; phen kadja le Gadžende kaj si tut buči lenca thaj von kam akharel tolmačes.
Sikljo Gadžikanes
O programa Sikljo Gadžikanes (SFI) si sikavipe pala čib thaj trajo ando Švedo. Kodo programa si kerdo manušenge kaj či den duma Gadžikanes. Šaj sikljos le programasa SFI te san skirime ando Khere le forosko
Uppsala
, te si tut matura vaj aver diploma, o gin
skirimasko
thaj san majbut sar 20-beršengo. Te si ke naj tut kodola a kames te sikljos Gadžikanes, de duma le Centaresa školango.
Majbut informacije si ande rig le
SFI
Sastipe
O Kher le forosko si les te ažutil sa le manušen kaste te šaj porunčil pe pengo trajo. O manuš šaj lel žutipe pala pesko phuranipe, xurdo sastipe, džungalipe thaj maripe ande familija. Kodo žutipe šaj avel sar žutipe pala kher, malavipe avrenca, terapija dumako thaj vi žutipe le zakonesa.
Majbut informacija pala sastipe
Škole
Le čavorra katar 1 džikaj 5-beršenge šaj phiren e školarri. Kana si tri-beršenge si len čačipe te phiren e školarri. Si o zakono ando Švedo ke le čavorra katar 6 džikaj 15-beršenge musaj te phiren e škola (1-9 klasurja). Pala enja berša ki škola le terne šaj džan ande upralutni škola. Pala kodo si baro alosardipe sar tehnička škola, fakultet, bari škola thaj škola le phurengi. Savorre le čavorenge si privatne thaj governeske škole, thaj ando Uppsala šaj alosares tiri škola.
Majbut informacije pala škole
Buči
Ando Švedo o Servicio bučako thol le manušen kaj roden buči khetanes le firmansa kaj si len buči. Kodo Servicio si katar o governo thaj ivja si. Kana o Kher le forosko roden neve manušen te keren buči, akharel žutipe katar o Servicio bučako.
Majbut informacije pala Servicio bučako ando
Švedo
Khera
Ando Uppsala le manuša ažukeren ande kola te len kher katar o Kher le forosko. Si le Kher le foroske kherorre čačimasa bešipeske. Uppsalahem porunčil pe le kherorra. Si vi privatne manuša kaj si len kherorre čačimasa bešipeske.
Majbut informacije pala
Uppsalahem
Majbut informacije le
studentenge
Te si ke šaj kines peske kherorro vaj kher, kam avel maj but šanca tut te arakhes kher. Si but privatne Gadže kaj šaj ažutinen tuke pala kodo.
Biblioteke thaj kultura
Ande biblioteka šaj les lila, gines žurnalurja ande but čiba thaj rodes informacije. O Kher le forosko lel sama te šaj keres but djela ando slobodni vrjama: sar exemplo, te džas ando muzej vaj ando koncerto, te keres sport.
Majbut informacije pala kultura thaj sport
Hitno žutipe
O Kher le forosko porunčil po hitno žutipe, kodo si le manuša kaj mudaren jag. Te si ke musaj te des duma lenca vaj la policijasa vaj bolnicasa, mar 112 po telefono. Kodo gin džal ko centar kaj porunčin pe hitno žutipe.
Majbut informacije palo hitno žutipe. Khate šaj arakhes vi informacije pala žutipe kaj naj hitno: sar exemplo, te si ke vareko daravel tut, trobul tut žutipe vaj maren tut ande familija.